కొండలలో నెలకొన్న కోనేటిరాయడు వాడు

పల్లవి:
కొండలలో నెలకొన్న కోనేటిరాయడు వాడు
కొండలంత వరములు గుప్పెడువాడు

చరణం1:
కుమ్మరదాసుడైన కురువరతినంబి
ఇమ్మన్న వరమ్ములెల్ల ఇచ్చినవాడు
దొమ్ములు సెసినయెట్టి తొండమాన్ చక్రవర్తి
రమ్మన్న చోటికివచ్చి నమ్మినవాడు

చరణం2:
అచ్చపు వేడుకతోడు అనంతాళువారికి
ముచ్చెలి వెట్టికి మన్ను మోచినవాడు
మచ్చికదొలక తిరుమలనంబి తోడుత
నిచ్చనిచ్చ మాటలాడి  నచ్చినవాడు

చరణం3:
కంచిలోననుండ తిరుకచినంబి మీద
 కరుణించి తనయేడకు రప్పించినవాడు
యంచనెప్పుడైన వేంకటెశుడు మనలకు
మంచివాడై కరుణ పాలించినవాడు

అదివో అల్లదివో శ్రీహరివాసము

పల్లవి:
అదివో అల్లదివో శ్రీహరివాసము
పదివేల శేషుల పడగలమయము

చరణం 1:
అదే వేంకటాచల మఖిలోన్నతము
అదివో బ్రహ్మాదులకపురూపము
అదివో నిత్యనివాసమఖిలము మునులకు
అదె చూడుడు అదె మ్రొక్కుడు
అదె చూడుడు అదె మ్రొక్కుడానందమయము

చరణం 2:
చెంగటనల్లదివో శేషాచలము
నింగినున్న దేవతల నిజవాసము
ముంగిటనల్లదివో మూలనున్నధనము
బంగారు శిఖరాల బహుబ్రహ్మమయము

చరణం 3:
కైవల్యపదము వేంకటనగమదివో
శ్రీవేంకటపతికి సిరులైనవి
భావింప సకల సంపదరూపమదివో
పావనములకెల్ల పావన మయము

రాముడు రాఘవుడు

రాముడు రాఘవుడు రవికులుడితడు
భుమిజకు పతియైన పురుష నిధానము

అరయ పుత్రకామేష్టి యందు పరమాన్నమున
పరగ జనించిన పరబ్రహ్మము
సురల రక్షింపగ అసురుల శిక్షింపగ
తిరమై ఉదయించిన దివ్యతేజము

చింతించు యోగీంద్రుల చిత్త సరోజములలో
సంతతము నిలచిన సాకారము
వింతలుగ మునులెల్ల వెదకినయెట్టి
కాంతుల చెన్ను మీరిన కైవల్యము

వేదవేదాంతములందు విజ్ఞానశాస్త్రములందు
పాదుకొని  బలికేటి పరమార్దము
పోదితో శ్రీవేంకటాద్రి పొంచి విజయనగరాన
ఆదికనదియైన అర్చావతారము

గోవిందాశ్రిత

గోవిందాశ్రిత గోకులబృంద
పావన జయజయ పరమానంద

జగధభిరామా సహస్రనామా
సుగుణధామ సంస్కృతనామ
గగనశ్యామా ఘనరిపుభీమా
అగణిత రఘువంశాంబుదిసోమా

గరుడతురంగా పారోత్తుంగా
సరవిభంగా ఫణిశయనాంగ
కరుణాపాంగ కమలాసంగ
వరశ్రీవేంకటగిరిపతి రంగా

అన్ని మంత్రములు ఇందే ఆవహించెను

అన్ని మంత్రములు ఇందే ఆవహించెను
వెన్నతో నాకు కలిగే వెంకటేశు మంత్రము

నారదుడు జపియించే నారయణ మంత్రము
చేరి ప్రహ్లాదుడు నారసింహ మంత్రము
కోరి విభీషణుడు చేకొనె రామ మంత్రము
వెరే నాకు కలిగే వెంకటేశు మంత్రము

రంగగు వాసుదేవ మంత్రము ధ్రువుండు జపించే
అంగవించె కృష్ణ మంత్రము అర్జునుడు
ముంగిట విష్ణు మంత్రము మొగిశుకుడు పఠించే
వింగడమై నాకు నబ్బే వెంకటెశు మంత్రము

ఇన్నిమంత్రములకెల్ల ఇందిరానాధుడే గుఱి
పన్నినదిదియే పరబ్రహ్మ మంత్రము
నన్ను గావగలిగేబో నాకు గురుడియ్యగాను
వెన్నెల వంటిది శ్రీవెంకటేశు మంత్రము

పెరిగినాడు చూడరో

పల్లవి :
     పెరిగినాడు చూడరో పెద్ద హనుమంతుడు
      పరిగి నానావిద్యల బలవంతుడు
చరణం1: 
     రక్కసుల పాలిటి రణరంగశూరుడు
     వెక్కసపుయెకాంగ వీరుడు
     దిక్కులకు సంజీవిదెచ్చిన ధీరుడు
     అక్కజమైనట్టి ఆకారుడు
చరణం 2:
    లలిమీరినయెట్టిలావుల భీముడు
   బలుకపికుల  సార్వభౌముడు
   నెలకొన్న లంకానిర్దూమధాముడు
   తలపున శ్రీరామనాత్మారాముడు
చరణం 3 :
   దేవకార్యముల దిక్కువరేణ్యుడు
   భావింప తపఃఫలపుణ్యుడు
  శ్రీవేంకటేశ్వర సేవాగ్రగణ్యుడు
   సావధానుడు సర్వశరణ్యుడు

అలరచంచలమైన

అలరచంచలమైన ఆత్మనందుండ నీ అలవాటుసేసెనీ ఉయ్యాల
పలుమారునుచ్వాస పవనమందుండ నీ భావంబు దెలిపెనీ ఉయ్యాల

ఉదయాస్థ శైలంబు లొనరకంబంబులైన పుడుమండంబుమోచె వుయ్యాల
అదన ఆకాశపదము అడ్డౌదూలంబైన అఖిలంబు నిండె నీ వుయ్యాల

పదిలముగ వేదములు బంగారు చేరులై పట్టీ వెరపై తొచె వుయ్యాల
వదలకిటు ధర్మదేవత పీఠమైమిగుల వర్ణింప నరుదాయె వుయ్యాల

మేలుకట్లై మీకు మేఘమండలమెల్లమెరుగునకుమెరుగాయ వుయ్యాల
నీలశైలమువంటి నీ మేనికాంతికి నిజమైన తొడవాయె వుయ్యాల

రాయినైనా కాకపోతిని

రాయినైనా కాకపోతిని రామపాదము సోకగా
బోయనైనా కాకపోతిని పుణ్యచరితము రాయగా
పడవనైనా కాకపోతిని స్వామికార్యము తీర్చగా
ఫాదుకైన కాకపోతిని భక్తిరాజ్యమునేలగా

అడవిలోపల పక్షినైతే అతివ సీతను కాచనా
ఆందువలన రామచంద్రుని అమిత కరుణను నోచనా
కడలిగట్టున ఉడతనైతే బుడతసాయము చేయనా
కాలమెల్లా రామభద్రుని వేలి గురుథులు మోయనా

కాకినైనా కాకపోతిని ఘాతుకమును సేయుచు
గడ్డిపోచను శరముచేసె ఘనత రాముడు చూపగ
మహిని అల్పజీవులే ఈ మహిమలన్ని నోచగా
మనిషినై జన్మించినానే మత్సరమ్ములు రేపగ మదమత్సరమ్ములు రేపగా

క్షీరాబ్ధి కన్యకకు

చరణం:
క్షీరాబ్ధి కన్యకకు శ్రీమహాలక్ష్మికిని
నీరజాలయమునకు  నీరాజనం

పల్లవి1:
జలజాక్షి మోమునకు జక్కువకుచంబులకు
నెలకొన్న కప్పురపు నీరాజనం
అలివేణి తురుమునకు హస్తకమలంబులకు
నిలువుమాణిక్యముల నీరాజనం

పల్లవి2:
చరణకిసలయమునకు సకియరంభోరులకు
నిరతమగు ముత్తేల నీరాజనం
అరిది జఘనంబునకు అతివనిజనాభికిని
నిరతి నానావర్ణ నీరాజనం

పల్లవి3:
పగటు శ్రీవేంకటేశు పట్టపురాణియై
నెగడు సతికళలకు నీరాజనం
జగతి నలమేల్మంగ చక్కదనములకెల్ల
నిగడు నిజశోభనపు నీరాజనం

బ్రహ్మ కడిగిన పాదము

పల్లవి:
   బ్రహ్మ కడిగిన పాదము
   బ్రహ్మము తానేని పాదము
   బ్రహ్మ కడిగిన పాదము
  బ్రహ్మము తానేని పాదము

చరణం1:
    చలగి వసుధ కొలిచినదీ పాదము
    బలి తల మోపిన పాదము
   తలకక గగనము తన్నిన పాదము
    బలరిపు కాచిన పాదము
చరణం2:
     కామిని పాపము కడిగిన పాదము
    పాము తలనిడిన పాదము
    ప్రేమపు శ్రీసతి పిసికిన పాదము
     పామిడి తురగపు పాదము
 చరణం3:
    పరమ యోగులకు పరిపరివిధముల వరమొసెగిడి పాదము
    తిరు వేంకటగిరి తిరమని చూపిన పరమపదము నీ పాదము

    

వినరో భాగ్యము విష్ణు కథ

                                           
                            
                         


                              పల్లవి :

                                               వినరో భాగ్యము విష్ణు కథ

                                              వెనుబలమిదివో విష్ణు కథ
                                           
                                               వినరో భాగ్యము విష్ణు కథ

                                              వెనుబలమిదివో విష్ణు కథ
                   
                                 చరణం 1:
                           
                                               ఆదినుండి సంద్యాదివిదులలో వేదంబైనది విష్ణు కథ

                                               ఆదినుండి సంద్యాదివిదులలో వేదంబైనది విష్ణు కథ
                                           
                                               నాదించిందే నారదాదులచే వీధి వీధులనే విష్ణు కథ
                                         
                                                నాదించిందే నారదాదులచే వీధి వీధులనే విష్ణు కథ

                                                 

                              చరణం 2:
                                                వదలక వేదవ్యాసులు నుడిగిన విదిత పావనము విష్ణు కథ
                 
                                                వదలక వేదవ్యాసులు నుడిగిన విదిత పావనము విష్ణు కథ
                                           
                                                సదనంబైనది సంకీర్తనై వెదకిన చోటనే విష్ణు కథ  [2]

                                             
                              చరణం 3:
                 
                   
                                              గొల్లెతలు చల్లలు గొనకొని చిలుకగ వెల్లివిరియాయె విష్ణు కథ
                                         
                                              గొల్లెతలు చల్లలు గొనకొని చిలుకగ వెల్లివిరియాయె విష్ణు కథ
     
                                               ఇల్లిదె శ్రీవేంకటేశ్వరు నామము వెల్లిగొలిపెనీ విష్ణు కథ
                                           
                                               ఇల్లిదె శ్రీవేంకటేశ్వరు నామము వెల్లిగొలిపెనీ విష్ణు కథ
         
                                               వినరో భాగ్యము విష్ణు కథ...[2]

                                             
                               

                                     
                                                                 
                             

పిబరే రామరసం

                               


                                 పిబరే రామరసం రసనే పిబరే రామరసం

                                 పిబరే రామరసం రసనే పిబరే రామరసం

                                 జనన మరణ భయ శోకవిదూరం

                                 సకల శాస్త్ర నిగమాగమ సారం

                                 జనన మరణ భయ శోకవిదూరం

                                 సకల శాస్త్ర నిగమాగమ సారం[2]
                               
                                   పిబరే రామరసం రసనే పిబరే రామరసం

                                   పిబరే రామరసం రసనే పిబరే రామరసం
                   
                                   శుద్ద పరమహంస ఆశ్రమ గీతం

                                   శుకశౌనక కౌశికముఖ పీఠం  [2]

                                    పిబరే రామరసం రసనే పిబరే రామరసం

                                    పిబరే రామరసం రసనే పిబరే రామరసం

                                    రామరసం... రామరసం...